Kompyuterin yığılmasının prinsipləri

Kompüterin yığılması bir çoxlarına asan görünsədə,  bunun öhdəsindən ancaq bu sahədə nəzəri və praktiki biliyi olanlar daha dəqiq və dolğun bu işi yerinə yetirə bilirlər. Belə ki, kompüterin bütün hissələri və onların təşkil etdiyi elementlərin texniki göstəriciləri nəzərə alınmadan yığılan kompüterin mükəmməlliyi haqqında əsaslı dəlil gətirmək mümkün deyil. Bu cür yığılmış kompüter işləməyinə işləyəcək, lakin daha az dayanıqlı və az səmərəli olacaq. Bu səbəbdən əgər lazım olan biliylərə malik deyilsinizsə, tanıdığınız mütəxəssislərə müraciət etməyiniz məsləhətlidir.
Bu gün isə biz kompüterin ümumi yığım ardıcılığına nəzər yetirəcəyik.

İlk növbədə biz müəyyən etməliyik ki, kompüteri hansı məqsədlər üçün yığmalıyıq. Seçimimiz aşağıdakı kimi ola bilər:
- Evdə istifadə olunan
- Ofis işçiləri üçün
- Xsusi Proqram təminatı üçün
- Oyun üçün
- Server təyyinatı üçün  və s.
İlk iki məqsədli kompüterləri xsusiləşdirilmış mağazalardan əldə etmək olar. Bu tip kompüterlər qarşısında xsusi tələblər qoyulmadığından adətən çox da baha olmur.
Novbəti iki məqsədli kompüterləri isə yaxşı olar ki, kompüter yığımında xsusi bilik və bacarığı olanlara müraciət olunsun. Çünki bu tip konfiqurasiyalı kompüterlərin daxili qurğuları və elementləri istifadə növünə gorə seçilməlidir.
Server təyyinatı kompüterlərin konfiqurasiyasının təyin olunması və yığılması ancaq nəzəri və praktiki biliklərə malik olan xsusi mütəxəssislər tərəfindən həyata keçirilməlidir.

İkinci növbədə biz kompüteri təşkil edən hissələri syahısını yazmalıyıq.
1. Ana Plata (Motherboard - Mainboard)
2. Prosessor (central processing unit - CPU)
3. Operativ yaddaş (Random Access Memory - RAM)
4. Korpus (Gövdə)
5. Videokarta
6. Vinçester (bərk disk)
7. Qida qurğusu
8. Klaviatura
9. Siçan qurğusu
10.Monitor

Əgər diqqətli olsanız görərsiniz ki, siyahıda xsusi ardıcıllıq mövcuddur. Bu ondan irəli gəlir ki, bu hissələri əldə edərkən olların bibrbirilərini dəstəklədiklərini müəyyən etmək lazım olacaq.
İlk novbədə seçimdən asilı olaraq ya Ana plataya yada ki, prosessora uyğun yığım qaydası müəyyən edilməlidir.

Bundan sonra əgər prosessora uyğun yığım qaydası müəyyən etmişiksə, prosessorun texniki göstəricilərində nəzərdə tutulmuş Ana plata seçməliyik. Çünki ana platada prosessorun oturacaq oyuğu prosessora uyğun olmali və soyuducu qurğunun kip olaraq prosessora bərkidilməsi mümkün olmalıdır.

İkinci etapda ana plata və prosesora uyğun Operativ yaddaş elementləri seçilməlidir. Çünki prosessor ana plata birləşmələri vasitəsilə Operativ yaddaşa müraciət edir və bunlar arasında super sürətli verilənlə mübadiləsi həyata keçirilir.

Bütün bunlar artıq ana plataya birləşdirilib bəkidildikdən sonra, Ana platanı Korpusa yerləşdirib bərkitmək lazımdır.

Növbəti olaraq ana plataya Videokarta yerləşdirilir. Bəzi az qiymətli ana platalarda videoadapter daxili element olaraq ana olatada mövcud olur. Lakin istəkdən asılı olaraq siz əlavə videokarta əldə edib quraşdıra bilərsiniz. Videokartanı da seçim edərkən onun daxili operativ yaddaşına və ana platanın dəstəklənməsinə fikir vermək lazımdır. Bundan izafə videokartanın soyudulma sistemi də tələblərə cavab verməlidir.

Vinçester - HDD, bu qurğu üçün korpusda - gövdədə xsusi üfiqi sahə mövcuddur. HDD ana plataya xsusi şeyflər vasitəsilə birləşdirilir və kiçik bolt-şrup vasitəsilə govdəyə bərkidilir. HDD lərin də bir neçə növü movcuddur. Lakin müasir dövrün tələbinə uyğun olan HDD-lər seçmək lazımdır.
1. Parallel Advanced Technology Attachment (PATA)
2. Serial Advanced Technology Attachment (SATA)
3. Small Computer System Interface (SCSI)
4. Solid State Drives (SSD)
Sözsüz ki, 3 cü və 4 cü mğvqedə olanlar müasir HDD-lər hesab oluna bilər.

Qida qurğusuna adətən bir çoxları lazımınca diqqət yetirmir. əslində isə bu qurğu kompüterin bütün hissələrinin düzgün gərginliklə qidalanmasına cavabdehdir. Gücü az olanda qurğular da tam perfomansla istifadə olunmur. Ona gorə də bu qurğunu seçmək üçün kompüteri təşkil edən bütün qurğuların gücü hesablanıb düzgün qərar verilməlidir.

Klaviatura tez-tez təmasda olduğunuz qurğu olduğuna gorə onun seçimində sizin şəxsi keyfiyyətlərinizə cavab verməsi lazımdır. Bunlara zövq də daxil edilir. Lakin klaviaturanın və düymələrinin rəngi, düymələrdəki həriflərin, rəqəmlərin və xsusi simvolların aydın görünməsi mütləq vacibdir.

Siçan qurğusu zövqə uyğun və ələ yatımlı, düymələri keyfiyyətli, korpusu möhkəm olmalıdır.

Monitor - Bu elə bir qurğudur ki, siz hər zaman kompüterdə n istifadə edərkən ona baxmalı olacaqsınız. Monitor keyfiyyətli, muasir, rəng çalarlarına qarşı həssas olsa daha yaxşı olar.

Bütün bunların yığımından sonra kompüterə əməliyyat sistemi yazılmalıdır. Əməliyyat sistemi (ƏS)də seçimə bağlıdır. Seçim isə profesionallıqla əlaqədardır. Belə ki, kimsə Windows ƏS-ni, kimsə Linux ƏS-ni, kimsə Mac Os X ƏS-ni öz profesionallığına, tələb və zövqünə gorə seçir.
Windowsdan başlayıb obiri ƏS-nə keçid etmək də olar, birbaşa digər ƏS ilə fəaliyyətə başlamaq da olar.